ଆଗକୁ ରାଜ୍ୟରେ ସଂକ୍ରମଣ ବଢିପାରେ: ସ୍ୱାସ୍ଥ୍ୟ ନିର୍ଦ୍ଦେଶକ

0

ଭୁବନେଶ୍ୱର: ଗୋଷ୍ଠୀ ସଂକ୍ରମଣ ମୁହାଁ ଓଡିଶା । ଏପରି କହିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ଡ ନିରଞ୍ଜନ ମିଶ୍ର । ମିଶ୍ର କହିଛନ୍ତି, ବର୍ତ୍ତମାନ ମେଟ୍ରୋ ସହରରେ ଗୋଷ୍ଠୀ ସଂକ୍ରମଣ ଦେଖାଦେଇଥିଲେ ମଧ୍ୟ ଆମ ରାଜ୍ୟରେ ହୋଇନାହିଁ । କିନ୍ତୁ ଆଗ।।ମୀ ଦିନରେ ଗୋଷ୍ଠୀ ସଂକ୍ରମଣ ହେବ । ସେ ଆହୁରି କହିଛନ୍ତି, ଗୋଷ୍ଠୀ ସଂକ୍ରମଣ ହୋଇଛି ଅର୍ଥ ସ୍ଥାନୀୟ ଅଞ୍ଚଳରେ ଓମିକ୍ରନ ସଂଖ୍ୟା ବଢିଛି । ରାଜ୍ୟରେ ସଂକ୍ରମଣ ସ୍ଥିତି ଜାଣିବାକୁ ହେଲେ କିଛି ଦିନ ଅପେକ୍ଷା କରିବାକୁ ହେବ । କିଛି ଦିନ ତଲେ ଜେନମ ସିକ୍ୱେନସିଂରେ ସଂକ୍ରମଣ ୬୦ ପ୍ରତିଶତ ଥିଲେ । ଏବେ ନିଶ୍ଚିତ ବଢିଛି ।
ଗୋଟିଏ ପଟେ ବାହାର ଦେଶରୁ ଲୋକଙ୍କ ଆସିବା ଉପରେ ପ୍ରତିବନ୍ଧକ ଲାଗିଛି, କିନ୍ତୁ ରୋଗୀଙ୍କ ସଂଖ୍ୟା ବଢୁଛି । ଅର୍ଥାତ୍ ଗୋଷ୍ଠୀ ସଂକ୍ରମଣ ହୋଇଛି । ଏପରି ସ୍ଥିତି ବିଦେଶରେ ଦେଖାଯାଇଛି । ଗତ ସପ୍ତାହରେ ଭାରତରେ ମଧ୍ୟ ଗୋଷ୍ଠୀ ସଂକ୍ରମଣ ଦେଖା ଦେଇଛି । କିନ୍ତୁ ରାଜ୍ୟରେ ସଂକ୍ରମଣ କମ ରହିଛି ଓ ମେଡିକାଲରେ ଆଡମିଟ ହାର ୨୦ ପତ୍ରିଶତ ରହିଛି । ଗୋଷ୍ଠୀ ସଂକ୍ରମଣକୁ ଏଡାଇବାକୁ ସାମାନ୍ୟ ଲକ୍ଷଣ ଥିଲେ ଟେଷ୍ଟ କରାଇନେବାକୁ ସେ କହିଛନ୍ତି । ନ ହେଲେ ଘରେ ସମସ୍ତେ ସଂକ୍ରମିତ ହେବେ ।