ଲାଞ୍ଚ ନେବାବେଳେ ଧରାପଡିଲେ ବିଇଓ

୨ମାସ ପରେ ଚାକିରରୁ ଅବସର ନେଇଥାନ୍ତେ ବିଇଓ !

0

ଗୁଣପୁରଭିଜିଲାନ୍ସ ଜାଲରେ ସରକାରୀ ବାବୁ ।ରାୟଗଡା ଜିଲ୍ଲା ଗୁଣୁପୁର ଗୋଷ୍ଠୀ ଶିକ୍ଷା ଅଧିକାରୀ (ବିଇଓ) ଅନ୍ତର୍ୟ୍ୟାମୀ ବେହେରା । ଶିକ୍ଷକଙ୍କ ଠାରୁ ୧୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାଇନ୍ସ ହାତରେ ଧରାପଡିଛନ୍ତି।ସୂଚନା ଅନୁସାରେ ବ୍ଲକ ଶିକ୍ଷା ଅଧିକାରୀ ଅନ୍ତର୍ୟ୍ୟାମୀ ବେହେରା ଛଅ ଜଣ ଅବସରପ୍ରାପ୍ତ ଶିକ୍ଷକଙ୍କ ୫୦ ପ୍ରତିଶତ ଏରିୟର କରିଦେବା ପାଇଁ ଓ ୨୯ ଜଣ ଅବସର ଶିକ୍ଷକଙ୍କ କାଗଜପତ୍ର ଭୁବନେଶ୍ବର ପଠାଇବା ପାଇିଁ ଟଙ୍କା ଦାବି କରିଥିଲେ। ଏନେଇ ଅଭିଯୋଗକାରୀ ଭିଜିଲାନ୍ସ ବିଭାଗକୁ ଜଣାଇଥିଲେ। ଭିଜିଲାନ୍ସର ଯୋଜନା ଅନୁସାରେ ଆଜି ଜଣେ ଅବସରପ୍ରାପ୍ତ ଶିକ୍ଷକ ଲାଞ୍ଚ ଟଙ୍କା ଦେଉଥିଲେ। ତେବେ ଭିଜିଲାନ୍ସ ବିଭାଗର କର୍ମଚାରୀମାନେ ଅବସରପ୍ରାପ୍ତ ଶିକ୍ଷକଙ୍କ ଠାରୁ ୧୦ ହଜାର ଟଙ୍କା ଲାଞ୍ଚ ନେବା ସମୟରେ ଚଢ଼ଉ ହୋଇଥିଲା । ରାୟଗଡା ଭିଜିଲାନ୍ସ ଡ଼ିଏସପି ସୁରେନ୍ଦ୍ରନାଥ ରାୟଗୁରୁଙ୍କ ନେତୃତ୍ବରେ ଟିମ୍ ବିଇଓ ଶ୍ରୀ ବେହେରାଙ୍କ ଘରୁ ୧୦ହଜାର ଟଙ୍କା ଜବତ କରାଯାଇଛି। ବିଇଓ କାର୍ୟ୍ୟାଳୟରୁ ନଥି ପତ୍ର ମଧ୍ୟ ଜବତ ହୋଇଛି। ସୂଚନାଯୋଗ୍ୟ, ବିଇଓ ଶ୍ରୀ ବେହେରା ୨୦୨୦ ମସିହା ଡିସେମ୍ବର ୧ ତାରିଖରେ ଗୁଣୁପୁରରେ ବିଇଓ ଭାବେ ଯୋଗଦେଇଥିଲେ। ସେ ଆଉ ୨ ମାସ ପରେ ଚାକିରିରୁ ଅବସର ନେଇଥାନ୍ତେ।