ରାଇରଙ୍ଗପୁର /ସତ୍ୟନାରାୟଣ ପାଲ: ପବିତ୍ର ଦୁର୍ଗାପୂଜା ଅବସରରେ ମୟୂରଭଞ୍ଜ ଜିଲ୍ଲାର ବାଦାମ ପାହାଡ଼ ରେଳ ଷ୍ଟେସନ ଦୁର୍ଗାପୂଜା କମିଟି ତରଫରୁ ବିଦ୍ୟାଳୟ ସ୍ତରୀୟ ସାଂସ୍କୃତିକ କାର୍ୟ୍ୟକ୍ରମ ପରିବେଷଣ କରାଯାଇଥିଲା । ଏଥିରେ ଆଖପାଖ ଅଂଚଳର ୧୪ ରୁ ଉର୍ଦ୍ଧ୍ବ ସରକାରୀ ଓ ବେସରକାରୀ ବିଦ୍ୟାଳୟର ଛାତ୍ରଛାତ୍ରୀ ଅଂଶଗ୍ରହଣ କରି ନିପୁଣ କଳା ନୃତ୍ୟ ପରିବେଷଣ କରିଥିଲେ । ଏଥିରେ ବାଦାମ ପାହାଡ଼ର ବେସରକାରୀ ଇଂରାଜୀ ମିଡିୟମ ବିଦ୍ୟାଳୟ ର ଅଧ୍ୟକ୍ଷ ଶ୍ରୀ ରଣଜିତ୍ ରାମ ଏବଂ କୋରିଓଗ୍ରାଫର ଆକାଶ ମଣ୍ଡଳଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଛାତ୍ରଛାତ୍ରୀମାନେ ବିଭିନ୍ନ ନୃତ୍ୟ ବିଭାଗରେ ଅଂଶ ଗ୍ରହଣ କରି ୫ଟିରେ ସଫଳତା ପାଇ ବିଦ୍ୟାଳୟ ପାଇଁ ଗର୍ବ ଆଣିଛନ୍ତି । ଜୁନିୟର ଗ୍ରୁପ ନୃତ୍ୟରେ ସନସାଇଲ ସ୍କୁଲ ପ୍ରଥମ ଏବଂ ଦ୍ବିତୀୟ ସ୍ଥାନ ହାସଲ କରିଥିବା ବେଳେ ଜୁନିଅର ସୋଲୋ ଏକକ ନୃତ୍ୟରେ ପ୍ରଥମ , ଦ୍ୱିତୀୟ ଏବଂ ତୃତୀୟ ସ୍ଥାନ ହାସଲ କରିଛନ୍ତି ।କାର୍ୟ୍ୟକ୍ରମରେ ମୁଖ୍ୟ ଅତିଥି ଭାବେ ବାଦାମ ପାହାଡ଼ ଥାନାଧିକାରୀ ଆୟୂଷକାନ୍ତ ଜେନା,,ସନ ସାଇନ୍ ସ୍କୁଲର ବିଦ୍ୟାଳୟର ଉପାଧ୍ୟକ୍ଷ ଆଫ୍ରିନ ବାନୋ, ସରସ୍ଵତୀ ଶିଶୁ ମନ୍ଦିର ଶିକ୍ଷକ ମୃତ୍ୟୁଞ୍ଜୟ ନାଥ, ପ୍ରାଥମିକ ବିଦ୍ୟାଳୟ ଶିକ୍ଷକ ଲକ୍ଷ୍ମଣ କିସ୍ କୁ ପ୍ରମୁଖ ଯୋଗ ଦେଇ କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରିଥିଲେ ।
