ନୂଆଦିଲ୍ଲୀ: ମହଙ୍ଗା ମଧ୍ୟରେ ଖୁସି ଖବର । ସଂପ୍ରତି ବ୍ୟବସାୟିକ ସିଲିଣ୍ଡରର ଦାମ ୩୬ ଟଙ୍କା କମିଯାଇଛି। ତେବେ ଘରୋଇ ସିଲିଣ୍ଡରର ଦାମରେ କୌଣସି ପରିବର୍ତ୍ତନ ହୋଇନାହିଁ। ୧୯ କିଲୋ ବିଶିଷ୍ଟ ବ୍ୟବସାୟିକ ଏଲପିଜି ସିଲିଣ୍ଡରର ଦାମ ୩୬ ଟଙ୍କା କମିଯାଇଛି। ସଂପ୍ରତି ରାଜଧାନୀ ଦିଲ୍ଲୀରେ ବ୍ୟବସାୟିକ ସିଲିଣ୍ଡିରର ଦାମ ୩୬ ଟଙ୍କା କମିବା ପରେ ୧୯୭୬ ଟଙ୍କା ୫୦ ପଇସା ରହିଛି। ପୂର୍ବରୁ ଏହାର ଦାମ ୨୦୧୨ ଟଙ୍କା ୫୦ ପଇସା ରହିଥିଲା। କ୍ରମାଗତ ଦ୍ୱିତୀୟ ମାସ ପାଇଁ ବ୍ୟବସାୟିକ ସିଲିଣ୍ଡରର ଦାମରେ ହ୍ରାସ କରାଯାଇଛି। ଜୁନ ୧ ତାରିଖରେ ଏହାର ମୂଲ୍ୟ ୧୩୫ ଟଙ୍କା ହ୍ରାସ ପାଇଥିଲା। ତେବେ ବ୍ୟବସାୟିକ ସିଲିଣ୍ଡରର ହ୍ରାସ ହେତୁ ହୋଟେଲ, ରେଷ୍ଟୁରାଣ୍ଟ ଓ ଢାବାମାନଙ୍କରେ ଖାଇବା ଶସ୍ତା ହୋଇପାରେ ବୋଲି ଆଶା କରାଯାଉଛି। ବାଣିଜିକ ରାଜଧାନୀ କୁହାଯାଉଥିବା କଲିକତାରେ ବାଣିଜିକ ସିଲିଣ୍ଡରର ଦାମ ୨୧୩୨ ରହିଥିବାବେଳେ ୩୬ ଟଙ୍କା କମିବା ପରେ ଦର ୨୦୯୫ ଟଙ୍କାକୁ କମିଆସିଛି। ଆର୍ଥିକ ରାଜଧାନୀ କୁହାଯାଉଥିବା ମୁମ୍ବାଇରେ ଗ୍ୟାସ ଦର ୧୯୩୬ ଟଙ୍କା ରହିଛି। ସେହିପରି ଚେନ୍ନାଇ ୨୧୪୧ ଟଙ୍କା ରହିଛି। ତେବେ ଘରୋଇ ସିଲିଣ୍ଡରର ଦାମରେ କୌଣସି ପରିବର୍ତ୍ତନ ହୋଇନାହିଁ। ଗତ ଜୁଲାଇ ୬ ତାରିଖରେ ୫୦ ଟଙ୍କା ବୃଦ୍ଧି ପାଇଥିଲା। ବର୍ତ୍ତମାନ ଦିଲ୍ଲୀରେ ଘରୋଇ ଏଲପିଜିର ଦର ୧୦୫୩ ଟଙ୍କା ରହିଥିବାବେଳେ ମୁମ୍ବାଇରେ ୧୦୫୨.୫୦ ପଇସା ରହିଛି। କଲିକତାରେ ୧୦୭୯ ଟଙ୍କା ରହିଛି। ଚେନ୍ନାଇରେ ୧୦୬୮ ଟଙ୍କା ରହିଥିବାବେଳେ ଭୁବନେଶ୍ୱରରେ ୧୦୭୯ ଟଙ୍କା ରହିଛି। ସେହିପରି ମେ ମାସ ୭ ତାରିଖରେ ଘରୋଇ ଏଲପିଜି ଦର ୫୦ ଟଙ୍କା ବୃଦ୍ଧି ଘଟିଥିଲା।
ଏହାପୂର୍ବରୁ ଏପ୍ରିଲ ୧ ରେ ୧୯ କିଲୋଗ୍ରାମ ବ୍ୟବସାୟିକ ଏଲପିଜି ଗ୍ୟାସ ସିଲିଣ୍ଡର ମୂଲ୍ୟରେ ବହୁତ ବୃଦ୍ଧି ଘଟିଥିଲା। ସେହି ଦିନ ଏହାର ମୂଲ୍ୟ ସିଲିଣ୍ଡର ପିଛା ୨୪୯.୫୦ ଟଙ୍କା ବୃଦ୍ଧି କରାଯାଇଥିଲା। ଏହା ପରେ ଦିଲ୍ଲୀରେ ଏହି ସିଲିଣ୍ଡରର ମୂଲ୍ୟ ୨୨୫୩ ଟଙ୍କାକୁ ବୃଦ୍ଧି ପାଇଛି। ଏହା ପରେ, ମଇ ୨୨, ୨୦୨୨ ରେ, ବାଣିଜ୍ୟିକ ଏଲପିଜି ଗ୍ୟାସ ସିଲିଣ୍ଡରର ମୂଲ୍ୟ ସିଲିଣ୍ଡର ପିଛା ୧୦୪ ଟଙ୍କା ବୃଦ୍ଧି କରାଯାଇଥିଲା। ଏହା ପରେ ୧୯ କିଲୋଗ୍ରାମ ବାଣିଜ୍ୟିକ ଗ୍ୟାସ ସିଲିଣ୍ଡରର ମୂଲ୍ୟ ସିଲିଣ୍ଡର ପିଛା ୨,୩୫୫ ଟଙ୍କାକୁ ବୃଦ୍ଧି କରାଯାଇଥିଲା।
ରୁଷ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ଯୋଗୁଁ ଅନ୍ତର୍ଜାତୀୟ ସ୍ତରରେ ଅଶୋଧିତ ତୈଳ ମୂଲ୍ୟରେ ଉଲ୍ଲେଖନୀୟ ବୃଦ୍ଧି ଘଟିଛି। ଏକ ସମୟରେ ଏହା ଏକ ବ୍ୟାରେଲ ପିଛା ୧୩୯ ଡଲାରରେ ପହଞ୍ଚିଥିଲା । ଏହି କାରଣରୁ, ଇନ୍ଧନର ମୂଲ୍ୟ ସମଗ୍ର ବିଶ୍ୱରେ ରେକର୍ଡ ସ୍ତରରେ ପହଞ୍ଚିଛି । ଅବଶ୍ୟ, ଗତ କିଛି ଦିନ ମଧ୍ୟରେ ଏହା ହ୍ରାସ ପାଇଛି ଏବଂ ବର୍ତ୍ତମାନ ଽ ସୁଦ୍ଧା ୧୦୦ ଡଲାର ପାଖାପାଖି କାରବାର କରୁଛି। ସୋମବାର, ବ୍ରେଣ୍ଟ ଅଶୋଧିତ ଫ୍ୟୁଚର ବ୍ୟାରେଲ ପିଛା ୧୦୨.୭୮ ଡଲାରରେ ୧.୧ ପ୍ରତିଶତ କିମ୍ବା ୧.୧୯ ଡଲାରରେ କାରବାର କରିଥିଲା। ଆମେରିକାର ପଶ୍ଚିମ ଟେକ୍ସାସ ମଧ୍ୟବର୍ତ୍ତୀ ଅଶୋଧିତ (ୟୁଏସ ପଶ୍ଚିମ ଟେକ୍ସାସ ମଧ୍ୟବର୍ତ୍ତୀ ଅଶୋଧିତ) ମଧ୍ୟ ବ୍ୟାରେଲରେ ୯୭.୧୯ ଡଲାରରେ ୧.୫ ପ୍ରତିଶତ ହ୍ରାସ ପାଇଛି।
