ଏବେ ସ୍କୁଲରେ ମଧ୍ୟାନଭୋଜନରେ ଦିଆଯିବ ଚିକେନ ସହିତ ଫଳ

0

କୋଲକାତା : ଆଗକୁ ଆସୁଛି ପଞ୍ଚାୟତ ନିର୍ବାଚନ । ଜନସମର୍ଥନ ଜିତିବା ପାଇଁ ଲାଗିପଡିଛନ୍ତି ନେତା ଆଉ ମନ୍ତ୍ରୀ । ଏନେଇ ଜନସମର୍ଥନ ଜିତିବା ପାଇଁ ମଧ୍ୟ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏକ ଅଭିନବ ଯୋଜନା ଆରମ୍ଭ କରିଛନ୍ତି। ଏହି ନୂଆ ଜୋଯନାରେ ଏଣକିି ବିଦ୍ୟାଳୟରେ ଭାତ ସାଙ୍ଗକୁ ଋତୁକାଳୀନ ଫଳ,ଅଣ୍ଡା ଓ ଚିକେନ ମିଳିବ। ଚଳିତ ଜାନୁଆରୀ ମାସରୁ ୪ ମାସ ଲାଗି ଏହି ଖାଦ୍ୟ ପରସାଯିବ। ଆଗକୁ ପଶ୍ଚିମବଙ୍ଗରେ ପଞ୍ଚାୟତ ନିର୍ବାଚନ ଥିବାରୁ ମମତାଙ୍କର ଏହା ଅଭିନବ ରଣନୀତି ବୋଲି କୁହାଯାଉଛି । ପିଏମ ପୋଷଣ ଯୋଜନାରେ ସପ୍ତାହରେ ଦିନକୁ ଚାଉଳ,ଆଳୁ,ସୋୟାବିନ୍ ଏବଂ ଅଣ୍ଡା,ଚିକେନ୍ ଏବଂ ଋତୁକାଳୀନ ଫଳ ଭାବେ ପୁଷ୍ଟିକର ଖାଦ୍ୟ ଦିଆଯିବ ବୋଲି କୁହାଯାଇଛି । ପ୍ରତ୍ୟେକ ଛାତ୍ରଙ୍କୁ ଅତିରିକ୍ତ ପୁଷ୍ଟିକର ଖାଦ୍ୟ ଯୋଗାଇବା ପାଇଁ ସପ୍ତାହକୁ ୨୦ଟଙ୍କା ଖର୍ଚ୍ଚ ହେବ ଏବଂ ଏହି ପ୍ରକ୍ରିୟା ୧୬ ସପ୍ତାହ ପର୍ୟ୍ୟନ୍ତ ଜାରି ରହିବ। ୧.୧୬ କୋଟିରୁ ଅଧିକ ଛାତ୍ରଛାତ୍ରୀ ଏଥିରେ ଉପକୃତ ହେବେ । ଏଥିପାଇଁ ପଶ୍ଚିମବଙ୍ଗ ସରକାର ୩୭୧ କୋଟି ଟଙ୍କା ଶିକ୍ଷା ବିଭାଗକୁ ପ୍ରଦାନ କରିଛନ୍ତି। ସୂଚନା ଅନୂଯାୟୀ ବର୍ତ୍ତମାନ ପ୍ରଧାନମନ୍ତ୍ରୀ ପୋଷଣ ଯୋଜନାରେ ପିଲାମାନଙ୍କୁ ମଧ୍ୟାହ୍ନ ଭୋଜନରେ ଭାତ, ଆଳୁ, ସୋୟାବିନ୍ ଏବଂ ଅଣ୍ଡା ବ୍ୟତୀତ ଚାରି ମାସ ଧରି ପ୍ରତି ସପ୍ତାହରେ ଚିକେନ୍ ଏବଂ ଫଳ ଦିଆଯିବ । ତେବେ ଏପ୍ରିଲ ପରେ ଏହି ବ୍ୟବସ୍ଥା ଜାରି ହେବାର ସମ୍ଭାବନା ନାହିଁ ବୋଲି ବିଦ୍ୟାଳୟ ବିଭାଗର ଜଣେ ଅଧିକାରୀ କହିଛନ୍ତି । ମଧ୍ୟାହ୍ନ ଭୋଜନ ବାବଦରେ ଏହି ଖର୍ଚ୍ଚର ୬୦ ପ୍ରତିଶତ ରାଜ୍ୟ ସରକାର ବହନ କରୁଥିବାବେଳେ ୪୦ ପ୍ରତିଶତ କେନ୍ଦ୍ର ସରକାର ବହନ କରୁଛନ୍ତି ।