ପ୍ରକୃତି ମିଶ୍ରଙ୍କ ଅପ୍‌କମିଂ ଫିଲ୍ମ ‘ଦୌପଦୀ’

0

ଭୁବନେଶ୍ୱର: ଗତକିଛିଦିନ ହେବ ପ୍ରକୃତି ଓ ବାବୁସାନ କୁ ନେଇ ଯେଉଁ ବିବାଦ ଉପୁଜିଥିଲା ତାହାର ସମାଧାନ ହୋଇନଥିବା ବେଳେ ପ୍ରକୃତି ନିଜ କର୍ମକ୍ଷେତ୍ର ମୁମ୍ବାଇକୁ ଫେରିଯାଇଛନ୍ତି |ତେବେ ସେ ତାଙ୍କର ସୋଶାଲ୍‌ ମିଡିଆ ଆକାଉଣ୍ଟ ଇନ୍‌ଷ୍ଟାଗ୍ରାମରେ ଫଟୋ ଶେଆର କରିଛନ୍ତି। ଯେଉଁଥିରେ ପ୍ରକୃତି ମିଶ୍ରଙ୍କ ଅପ୍‌କମିଂ ଫିଲ୍ମ ‘ଦୌପଦୀ’ର ପୋଷ୍ଟର ଆଜି ରିଲିଜ୍‌ ହୋଇଛି।  ଏହି ଫିଲ୍ମଟି ଓଡ଼ିଆ ଓ ହିନ୍ଦୀ ଭାଷାରେ ନିର୍ମାଣ ହେବାକୁ ଯାଉଛି |

‘ଦ୍ରୌପଦୀ’ ପୋଷ୍ଟର ଶେଆର କରି ପ୍ରକୃତି ଲେଖିଛନ୍ତି, କେବେ ପୁରୁଷ ତ କେବେ ଜଣେ ନାରୀ ହିଁ ଆଉ ଜଣେ ନାରୀର ଶତ୍ରୁ ହେଇଯାଏ। କେବେ ନାରୀ କେଉଁ ଯୁଦ୍ଧର କାରଣ ସାଜିଛି ତ ପୁଣି କେବେ ଅଗ୍ନି ପରୀକ୍ଷା ଦେବାକୁ ବାଧ୍ୟ ହେଇଛି। ଯୁଗ ବଦଳି ଗଲାଣି କିନ୍ତୁ ବଦଳିନି ସେହି ନାରୀର କାହାଣୀ ବୋଲି ପ୍ରକୃତି ଲେଖିଛନ୍ତି।

TARN ପ୍ରଡକ୍ସନ୍ସରେ ତିଆରି ହେବାକୁ ଥିବା ‘ଦ୍ରୌପଦୀ’ ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିଛନ୍ତି ଅନନ୍ୟା ପଟ୍ଟନାୟକ। ପ୍ରଯୋଜନା କରିଛନ୍ତି ସସ୍ମିତା ତାଇଡି ଓ ଆକାଶଦୀପ ସିଂହ। ତେବେ ଫିଲ୍ମଟି କେବେ ରିଲିଜ୍‌ ହେବ ସେ ବିଷୟରେ ପ୍ରକୃତି କିଛି ଲେଖିନାହାନ୍ତି | ସେହିପରି ପୋଷ୍ଟରକୁ ଦେଖିଲେ ଲାଗୁଛି, ଫିଲ୍ମରେ ଜଣେ ନାରୀର ସଂଘର୍ଷ ଓ ଯନ୍ତ୍ରଣା ଦେଖିବାକୁ ମିଳିପାରେ।କାରଣ ଥୁଣ୍ଟା ଗଛରେ ବସିଛନ୍ତି ପକ୍ଷୀ। ଆଉ ସେହି ଗଛ ମୂଳରେ ଯନ୍ତ୍ରଣାଶିକ୍ତ ଅବସ୍ଥାରେ ଶାଢ଼ୀ ପିନ୍ଧି ବସିଛନ୍ତି ପ୍ରକୃତି।ତେବେ ଏନେଇ ଅନେକ ପ୍ରଶଂସକ ତାଙ୍କୁ ଶୁଭେଚ୍ଛା ଜଣାଇଛନ୍ତି |