ରାଜନଗର ବିଜେଡି ବ୍ଲକ ସଭାପତି ଙ୍କୁ ଶକ୍ତ ଧକ୍କା।

ନିଜ ପଞ୍ଚାୟତ ରେ ସରପଞ୍ଚ ଓ ସମିତି ସଭ୍ୟ ପଦ ହାତେଇଲେ ବିରୋଧୀ।

0

କେନ୍ଦ୍ରାପଡା: ସଦ୍ୟ ପ୍ରକାଶିତ ପଞ୍ଚାୟତ ନିର୍ବାଚନ ଫଳ ରାଜନଗରର ବିଜେଡି ବ୍ଲକ ସଭାପତି ତଥା କେନ୍ଦ୍ରାପଡା ସାଂସଦ ଙ୍କ ପ୍ରତିନିଧି ଥିବା ଅଶୋକ କୁମାର ପ୍ରତିହାରୀ ଙ୍କ ରାଜନୈତିକ ପତିଆର ପ୍ରତି ସୃଷ୍ଟି କରିଛି ଅନେକ ପ୍ରଶ୍ନବାଚୀ। ଏଥର ପ୍ରଚଣ୍ଡ ବିଜେଡି ଲହର ସତ୍ତ୍ୱେ ନିଜ ପଞ୍ଚାୟତ ରେ ସରପଞ୍ଚ ଓ ସମିତି ସଭ୍ୟ ପଦ ବିରୋଧୀ ମାନେ ହାତେଇଛନ୍ତି।
ଅଶୋକ ନିଜେ ଜିଲ୍ଲା ପରିଷଦ ପ୍ରାର୍ଥୀ ଭାବରେ ସାରା ରାଜ୍ୟରେ ଚାଲିଥିବା ବିଜେଡି ଲହରୀ ରେ ବିଜୟୀ ହୋଇଥିଲେ ସୁଦ୍ଧା ରାଜନଗର ନିର୍ବାଚନ ମଣ୍ଡଳୀ ଅନ୍ତର୍ଗତ କୋଇଲିପୁର ଗ୍ରାମ ପଞ୍ଚାୟତରେ ସରପଞ୍ଚ ପ୍ରାର୍ଥୀ ଭାବରେ ଲଢୁଥିବା ନିଜର ଭାଇ ପ୍ରାୟ ଛସହ ରୁ ଉର୍ଦ୍ଧ୍ବ ଭୋଟ ରେ ପରାଜିତ ହେବା ଏପରିକି ସମିତି ସଭ୍ୟ ପଦ ବିରୋଧୀ କଂଗ୍ରେସ ହାତକୁ ଚାଲିଯିବା ଅଶୋକ ଙ୍କ ପାଇଁ ଏକ ଲଜ୍ଜ୍ୟାଜନକ ପରିସ୍ଥିତି ସୃଷ୍ଟି କରିବା ସହ ନିଜର ବିଜୟକୁ ଫିକା କରିଦେଇଛି। ସମସ୍ତ କଳ ବଳ କୌଶଳ ସତ୍ତ୍ୱେ ନିଜ ପଞ୍ଚାୟତ ରେ
କିପରି ଏପରି ବିପର୍ୟ୍ୟ ହେଲା ସେ ନେଇ ଅଶୋକଙ୍କ ଶିବିରରେ ମାନସ ମନ୍ଥନ ଚାଲିଛି। ଅପରପକ୍ଷରେ ରାଜନଗରର ବରିଷ୍ଠ ନେତା ତଥା ପୂବର୍ତନ ଜିଲ୍ଲା ପରିଷଦ ସଭ୍ୟ ସନ୍ତୋଷ କୁମାର ମହାନ୍ତି ଙ୍କ ରାଜନୈତିକ ଗୋଟି ଚାଳନା ଯୋଗୁଁ ଏହା ସମ୍ଭବ ହୋଇପାରିଛି ବୋଲି ସାଧାରଣରେ ଆଲୋଚନା ହେଉଅଛି।