ଭିଜିଲାନ୍ସ ଜାଲ୍‌ରେ ଆର୍‌ଏମ୍‌ସି ଇନ୍ସପେକ୍ଟର

0

ଭୁବନେଶ୍ୱର:ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ସୁନ୍ଦରଗଡ଼ ଜିଲ୍ଲା ସର୍ଗିପାଲି ଆର୍‌ଏମ୍‌ସି ଇନ୍ସପେକ୍ଟରଙ୍କ ଘରେ ଭିଜିଲାନ୍ସ ରେଡ୍ କରିଛି। ଆର୍‌ଏମ୍‌ସି ଇନ୍ସପେକ୍ଟର ବନମାଳୀ ନାଏକଙ୍କ ଘର, ଅଫିସ୍ ସମେତ ୫ଟି ସ୍ଥାନରେ ଚଢ଼ାଉ କରାଯାଇଥିବା ସୂଚନା ମିଳିଛି । ସୁନ୍ଦରଗଡ଼ ଅଫିସ୍, କେନ୍ଦୁପଡ଼ାର ତିନି ମହଲା ଘର, ଡେଙ୍ଗିଭଡ଼ିରେ ଥିବା ଦୁଇ ମହଲା ଘର, କିଞ୍ଜିରିକିଲାର ପୈତୃକ ଘର, ଲେଫ୍ରିପଡ଼ାର ସମ୍ପର୍କୀୟଙ୍କ ଘରେ ଭିଜିଲାନ୍ସ ରେଡ୍‌ କରିଛି। ମିଳିଥିବା ସୂଚନା ଅନୁଯାୟୀ ବର୍ତ୍ତମାନ ବନମାଳୀଙ୍କ ଘରୁ ନଗଦ ୨ ଲକ୍ଷ ୯୭ ହଜାର ଟଙ୍କା, କେଜିଏରୁ ଊର୍ଦ୍ଧ୍ୱ ସୁନା ଗହଣା ମିଳିଛି। ଯାହାର ଆନୁମାନିକ ମୂଲ୍ୟ ୬୦ ରୁ ୭୦ ଲକ୍ଷ ଟଙ୍କା ବୋଲି ଅନୁମାନ କରାଯାଉଛି। ଏହାସହ ବିପୁଳ ପରିମାଣରେ ବ୍ୟାଙ୍କ ଜମା ଠାବ କରିଛି ଭିଜିଲାନ୍ସ।