ଓହରିବେ ବିରାଟ; ବଛା ହେବେ ନୂଆ ଅଧିନାୟକ

0

ନୂଆଦିଲ୍ଲୀ: ଗତ କିଛି ଦିନ ହେଲା ଭାରତୀୟ କ୍ରିକେଟ ଜଗତରେ ଗୋଟିଏ ଘଟଣା ଜୋରଦାର ଚର୍ଚ୍ଚା ହେଉଥିବାର ଦେଖାଯାଇଛି । ତେଣୁ ଖୁବ ଶୀଘ୍ର ଦଳରେ ଏକ ବିରାଟ ପରିବର୍ତ୍ତନ ହେବାକୁ ଯାଉଛି ବୋଲି କୁହାଯାଉଛି । ଏହି ଘଟଣା ଭାରତର ଅଧିନାୟକ ବିରାଟ କୋହଲୀଙ୍କୁ ଏକ ବଡ ଝଟକା ହୋଇପାରେ । ଆସନ୍ତା କିଛି ଦିନରେ ସେ ସିମୀତ ଓଭର କ୍ରିକଟରୁ ସନ୍ନ୍ୟାସ ନେବେ ବୋଲି ଚର୍ଚ୍ଚା ହେଉଛି । ତେବେ ତାଙ୍କ ସ୍ଥାନରେ କିଏ ହେବ ଭାରତର ପରବର୍ତ୍ତୀ ଅଧିନାୟକ ଆସନ୍ତୁ ଜାଣିବା ।
ଅଧିନାୟକ ପଦରେ ରହି ସେ ନିଜ ବ୍ୟାଟିଂ ପ୍ରତି ଧ୍ୟାନ ଦେଇ ପରୁ ନଥିବାରୁ ଏଭଳି ନିଷ୍ପତ୍ତି ନେଇ ପାରନ୍ତି ବୋଲି କୁହାଯାଉଛି । ସଫଳ ଅଧିନାୟକମାନଙ୍କ ମଧ୍ୟରୁ ବିରାଟ କୋହଲୀ ଅନ୍ୟତମ । ଆସନ୍ତା ଅକ୍ଟୋବର ୧୭ରୁ ୧୪ ନଭେମ୍ବର ପର୍ଯ୍ୟନ୍ତ ହେବାକୁ ଥିବା ଆଇସିସି ବିଶ୍ୱକପ ପରେ କୋହଲୀ ଅଧିନାୟକ ପଦରୁ ଇସ୍ତଫା ଦେବେ ବୋଲି ବିଶେଷ ସୂତ୍ରରୁ ଖବର ମିଳିଛି ।
ତାଙ୍କ ବ୍ୟାଟିଂ ଉପରେ ଧ୍ୟାନ ଦେବା ସହ ପୃଥିବୀର ଶ୍ୟେଷ୍ଠ ବ୍ୟାଟ୍ସମ୍ୟାନ ହେବା ତାଙ୍କ ପାଇଁ ଅତ୍ୟନ୍ତ ଜରୁରୀ ବୋଲି ସେ ବିଶ୍ୱାସ କରନ୍ତି । ତେଣୁ ସେ ଅଧିନାୟକ ପଦରୁ ଇସ୍ତଫା ଦେଇପାରନ୍ତି । ତେବେ ତାଙ୍କ ସ୍ଥାନରେ ଉପ ଅଧିନାୟକ ତଥା ହିଟମ୍ୟାନ ରୋହିତ ଶର୍ମା ଦଳର ପରବର୍ତ୍ତୀ ଅଧିନାୟକ ହେବାର ସମ୍ଭାବନା ଅଧିକ ରହିଛି । ରୋହିତଙ୍କ ଅଧିନାୟକତ୍ୱରେ ଭାରତ ଏସିଆ କପ ଜିତିବା ସହ ଆଇପିଏଲରେ ମୁମ୍ବାଇ ୫ ଥର ଟ୍ରଫି ନିଜ ନାମରେ କରିସାରିଛି । ସେ ଅଧିନାୟକ ଭାବରେ କୋହଲୀଙ୍କଠାରୁ ବେଶୀ ସଫଳ ବୋଲି ପ୍ରମାଣିତ କରିଛନ୍ତି । ଅନ୍ୟ ପକ୍ଷରେ ୨୦୧୭ରୁ ନିୟମିତ ଭାବରେ ଅଧିନାୟକ ପଦରେ ଥିବା ବିରାଟ କୋହଲୀ ଦଳକୁ କୌଣସି ଆଇସିସି ଟ୍ରଫି ଜିତାଇ ପାରି ନାହାନ୍ତି । ଏହାଛଡା ତାଙ୍କ ଦଳ ଆରସିବି ମଧ୍ୟ ଟ୍ୟଫି ଜିତିବାରେ ଏପର୍ଯ୍ୟନ୍ତ ସଫଳ ହୋଇ ପାରିନାହିଁ ।